Santuario de Nosa Señora das Ermidas
O santuario Da nosa Señora das Ermidas está situado a medio camiño entre Viana do Bolo e A Rua, na provincia de Ourense, Comunidade Autónoma de Galicia, España.
| A súa fachada foi edificada entre 1713 e 1726 por Juan Martínez Pita; pouco posterior a ela é o Vía Crucis construído en 1730 e composto por 14 capelas que contiñan 62 estatuas. O exterior dos templetes preséntase moi sinxelo. En cambio, o interior está decorado con esculturas que representan a Paixón de Cristo, seguindo o modelo do Bom Jesus do Monte de Braga edificado en 1723. E como para o Sacro Monte portugués algunhas capelas foron asociadas a unhas fontes. |  |
Trátase de obras figurativas únicas no seu xénero, non só en Galicia, porque a idea de reproducir “de verdade” as estacións da Paixón de Cristo se expresou en España maiormente nos grupos de estatuas que se sacan en procesión con ocasión da Semana Santa.
 | De grande atractivo turístico, destaca polas súas celebracións de semana santa, especialmente o Via Crucis, no cal se percorre as estacións, que van dende o santuario ao lugar do Cruceiro distantes entre si aproximadamente 1 km. Outro dos actos desta semana máis soados, mesmo máis que o via crucis, era a chamada “estoupa do Xúdas” na cal un boneco de trapo recheo de pólvora, que representaba a Júdas, comezaba a explotar en canto se encontraban Cristo resucitado e María. Esta práctica xa non se leva a cabo debido á negación dos actuais sacerdotes do santuario a respectar as tradicións do pobo, a pesar de estar datadas hai máis de cen anos. |
Información extraida de Wikipedia
Otras informaciónes de interese:
Facebook Santuario de Nosa Señora das Ermidas